مقامات اوزبیکستان میگویند که دهها هواپیمای ارتش حکومت پیشین افغانستان که پس از سقوط کابل به آن کشور انتقال داده شده است را به حکومت فعلی پس نخواهند داد.
خبرگزاری وطن24 – امور بین الملل
صدای امریکا گزارش داده است که عصمتالله ارگاشف نماینده ویژه اوزبیکستان در امور افغانستان میگوید که این هواپیماها متعلق به امریکا است و به کابل باز نخواهند گشت.
او افزود: “دولت ایالات متحده هزینۀ آنها را پرداخته است. امریکا دولت پیشین افغانستان را تمویل میکرد و بنابرین ما معتقدیم که این کاملاً به واشنگتن بستگی دارد که با آنها چه میکند.”
وی گفت که کشورش این تجهیزات نظامی را در توافق با ایالات متحده نگه داشته است.
مقامهای دفاعی امریکا نیز به صدای امریکا تایید کردهاند که ازبیکستان و تاجیکستان هیچ برنامهای برای تحویل هواپیماهای حکومت پیشین افغانستان را ندارند.
راب لودویک، یک سخنگوی وزارت دفاع امریکا گفته است: “این هواپیماها موضوع همکاری امنیتی منطقهای با دولتهای ازبیکستان و تاجیکستان است.”
او افزوده که 46 هواپیما در اوزبیکستان و 18 هواپیما در تاجیکستان وجود دارد.
به گفته او، این هواپیماها شامل چرخبالهای Mi-17 UH-60 و همچنین هواپیمای بال ثابت PC-12، C-208، AC-208 و A-29 است.
گفتنی است که شماری از نیروهای هوایی همراه با اعضای خانوادههایشان چند ساعت قبل از سقوط کابل، به ازبیکستان و تاجیکستان فرار کردهاند.
مقامهای امریکایی تا کنون دربارۀ سرنوشت هواپیماها تصمیم نگرفتهاند.
از سویی هم مقامات امارت اسلامی این تجهیزات را دارایی عامه میدانند و بارها از حکومتهای تاجیکستان و ازبیکستان خواستهاند که آنها را بازگردانند.
پیش از این ملا محمد یعقوب، سرپرست وزارت دفاع کشور به تاجیکستان و ازبیکستان گفته بود که هیچ کشوری حق ندارد که هواپیماهای افغانستان را نزد خود نگهدارد یا از آن استفاده کند.
نظرات بسته شده است.